DataLife Engine - Softnews Media Group

Мэлылъфэгъум и 26-29-хэм Урысием ит къалэу Челябинск зыфиIорэм дзюдомкIэ Европэм ичемпионат щыкIуагъ. Ащ Къэбэртае-Бэлкъар Республикэм щыщ Адыгэ бэнакIохэу Джэданэ Алимрэ Мудрэн Беслъанрэ япэрэ чIыпIэхэр къыдахыгъэх, дышъэ медалхэр къахьыгъэх, Европэм ичемпионэу хъугъэх.

Дунаим щызэлъашIэрэ цIыф тыгъуасэ аужырэу дгъэ­кIотэжьыгъэр. Мэфэ заулэкIэ узэкIэIэбэжьмэ, гу­щыIэгъу ащ фэхъугъэу, нэгушIоу ыIапэ зыубытыгъэу къытхэтыр макIэп. Къэбар гомыIур зэхэзыхыгъэмэ ашIошъ мыхъоу кIэупчIэжьхэуи тырихьылIагъ. Ары. Игъонэмысэу идунай Кобл Якъубэ ыхъожьыгъ.

Мэзаем и 11 Адыгэ Республикэм щылажьэрэ движениеу «Адыгэ Хасэ Черкес Парламент» зыфиIорэм Мыекъуапэ зэфэс щыригъэкIокIыгъ. Ащ хэлэжьгъэх Адыгеим изэфэшъхьэф шъолъырхэм къарикIыгъэ лIыкIохэр, ахэр 500 фэдиз хъущтыгъэ, мыхэм нэмыкIэу зэфэсым хьакIэ фэдэу къекIолIагъ 500 фэдиз. ТIори зэхэтэу зэфэсым 1000 фэдиз хэлэжьагъ.

Лъэпкъ экологическэ премиеу 2011-рэ илъэсымкIэ и анахь шIухьафтын лъапIэу «Хрустальная ноосфера» зыфиIорэр Адыгэ Республикэм къыфагъэшъошагъ. Мы тын лъапIэр экологием икъэухъумэн гъэхъагъэхэр щызышIыхэрэм ыкIи зишIуагъэ къакIорэ шIыкIэм тетэу тыкъэзыуцухьэрэ дунаим ибайныгъэ зыгъэфедэхэрэм 2003-рэ илъэсым щегъэжьагъэу араты.

Чъэпыогъум и 15 къуаджэу Улапэ имэфэкI хигъэунэфыкIыгъ – ыныбжь илъэс 150-рэ хъугъэ. Мы мафэм ехъулэу къуаджэм щызэрэугъоигъэх Адыгеим иIэшъхьэтетхэр, къуаджэм щыщхэр, хьакIэхэр. Ахэр зэкIэ еджапIэм къекIолIагъэх.

ЗыкIыныгъэм ыкIи зэкъошыныгъэм и фестивалэу «Мир Кавказу» зыфиIорэр я пшIыкIуплIэнэрэу мыгъэ къалэу Астрахань щыкIуагъ. Хабзэ зэрэхъугъэу тиреспубликэ илъыкIохэри ащ хэлэжьагъэх. АР-м культурэмкIэ и министрэ игуадзэу ШъэуапцIэкъо Аминэт зипащэ купым хэтыгъэх Къэралыгъо орэдыIо ыкIи къэшъокIо купэу «Ислъамыер», сурэттехыхэр, АР-м лъэпкъ культурэм игупчэ иIофышIэхэр. Адыгеим щыпсэурэ IэпэIасэхэм яIэшIагъэхэр зыхэт къэгъэлъэгъоныр фестивалым къекIолIагъэхэм ашIогъэшIэгъоныгъ. Нэбгырэ 15-мэ ашIыгъэ пIуаблэхэр, адыгэ шъуашэхэр, Iэмэ-псымэ зэфэшъхьафхэр экспозицием хэтыгъэх. Анахьэу зэкIэмэ агу рихьыгъэр дышъэ идагъэр ары.

Адыгэхэм сыдигъокIи къин зиIэм дэIэпыIэхэу яхабз. Непэ къызынэсыгъэми лъэпкъ хабзэм и шапхъэхэр укъуагъэ хъухэрэп. Джащ къыхэкIэу, Германием щыпсэурэ тилъэпкъэгъухэм Адыгеим псыкъиуным къыфигъэ къиныгъохэм афэгъахьыгъэ къэбарыр къызанэсым бэрэ емыгупшысэхэу IэпыIэгъу зэрэфэхъун амал къагъотыгъ. Ахъщэ сомэ мин 250-рэ къаугъои Адыгеим имэфэкI хэлэжьэнэу Германием къикIыгъэ купым къырагъэхьыгъ. Ахъщэр къуаджэу Пщычэу дэт кIэлэцIыкIу ыгъыпIэм игъэцэкIэжьын пэIуагъэхьанэу зэдаштагъ. Сабый нэбгырэ 80-р зыдакIорэ ыгъыпIэм псыкъиуным зэрарэу къыфигъэм фэшI илэжьэн зэпигъэугъ.

Чъэпыогъум и 5-м Адыгэ Республикэм ыныбжь илъэс 20 хъугъэ. Адыгеим и къэлэ ыкIи район пстэуми мэфэкIым фэгъахьыгъэ Iоф тхьабзэхэр уахътэ заулэ шIагъэу рекIокIых.
МэфэкIым ипэгъокIэу, чъэпыогъум и 4-м, Къэралыгъо филармонием мэфэкI зэхахьэ щыкIуагъ. Ащ хэлэжьагъэх Адыгэ Республикэм и ЛIышъхьэу ТхьакIущынэ Аслъан, Адыгеим и апэрэ Президентэу Джарымэ Аслъан, Темыр Кавказым ыкIи Къыблэ Федеральнэ шъолъырхэм ялIыкIохэр, нэмыкIхэри. Адыгеим щыпсэухэрэм къафэгушIуагъэх Урысыем и Президентэу Д.Медведевыр, УФ-м и Къэралыгъо Думэ и Пащэу В.Матвиенкэр, Къыблэ Федеральнэ шъолырымкIэ УФ-м и Президент илIыкIоу В.Устиновыр. Ахэмэ я телеграммэхэм зэфэсым къыщяджагъэх. Нэужым Адыгеим иартист цIэрыIохэр зыхэлэжьэгъэхэ концертыр къызэрэугъоигъэхэм къафагъэлъэгъуагъ.
Пчыхьэм Мыекъуапэ игупчэ Адыгеим и эстраднэ артистхэу Нэчэс Анжелика, ЛIыбзыу Аслъан, Эльдарэ Айдамыр, нэмыкIхэми концерт къыщатыгъ.

Уахътэр, уахътэр! Шы емылычым фэдэу псынк1эу мачъэ, мафэхэр, мазэхэр, илъэсхэр, л1эш1эгъухэр блэчъых, ц1ыфлъэпкъым игъаш1э хэхъо, зехъожьы. Ч1ы шъхьашъом щы1ак1эр щыуцурэп. Лъэхъанхэр, зэманхэр зэфэмыдэхэу рек1ок1ыхэми, ц1ыфхэмк1э такъикъ пэпчъи гъэш1эгъон, уасэ и1. Тхьэм ц1ыфмэ акъыл къазк1ыритыгъэр 1офыш1ухэр щэ1эфэхэ зэрахьанэу ары. Ау арэущтэу сыдигъуи хъурэп, ц1ыфхэм азыфагу зэджэгъогъуныгъэр къиуцоу, зэрэгъэпыйхэу, зэзаохэу къыхэк1ы. зэо мэш1уаем л1эш1эгъу пчъагъэм щаугъоигъэ ш1угъэ пстэур аш1ухэк1уадэуи мэхъу.